"Mig langar til að segja frá því hér að ég er nú komin vel við aldur og hef þjáðst af svefnleysi allt mitt líf. Allt mitt líf segi ég því ég átti sem barn strax erfitt með svefn. Síðan er ég búin að vera að reyna alla mögulega og ómögulega hluti til að geta sofið, hef tekið inn allt sem hægt er, borðað og drukkið allt sem á að bæta svefn og prufað allar aðferðir sem ég hef rekist á og nú síðast Haf-Ró og í fyrsta sinn á æfinni finnst mér ég vera farin að sofa betur. Ég steinsofna á kvöldin og sef stundum alla nóttina án þess að vakna, sem er alveg nýtt fyrir mér, en ég er búin að taka Haf-Ró undanfarið. Ég mun halda því áfram og það fylgir því þvílík ánægja að fara að sofa og eiga von á því að sofa alla nóttina."

"Ég hef notað vörurnar frá Hafkalki undanfarið. Móðir mín mælti með þeim og fullyrti að þær myndu hjálpa mér í íþróttunum. Hafkalk hef ég notað í eitt og hálft ár og síðan mæli ég sérstaklega með Hafkrilli og Haf-Ró. Hafkrill er omega3 úr ljósátulýsi og Haf-Ró er blanda af magnesíum og kalkþörungum.  Þessi fæðubótarefni hafa hjálpað mér mikið við að jafna mig eftir erfiða leiki og æfingar. Verandi orðinn 31 árs þarf ég að leita allra leiða til að hjálpa líkamanum við endurheimt því oft er stutt í næsta leik. Mér líður mun betur eftir átökin núna og er fljótari að jafna mig, stirðleiki og verkir hafa minnkað til muna. Ég mæli því sterklega með vörunum frá Hafkalki og er þakklátur fyrir að hafa verið bent á þær."

"Ég hef notað Hafkalk Gull og Hafkraft og er vægast sagt ánægð með vörurnar. Ég hugsa mikið um hvað ég læt ofan í mig því ég er með ofnæmi fyrir ýmsu, m.a. nikkel og hef þar af leiðandi átt erfitt með að finna vítamín og steinefni sem ég þoli en hef ekki fundið nein einkenni eftir að ég fór að nota Hafkraft og Hafkalk Gull.
Ég æfi mjög mikið og keppti meðal annars í fitness um páskana. Í undirbúningnum fann ég að líkaminn var fljótari að jafna sig á milli erfiðra æfinga og þreyta í vöðvum og stirðleiki eftir æfingar er eitthvað sem ég hef ekki fundið fyrir lengi. Einnig fann ég mjög fljótt að sykurlöngun minnkaði til muna sem gerði mér mjög auðvelt fyrir að halda út á ströngu mataræði."

"Ég fékk slæma vefjagigt upp úr sjálfsofnæmi og fylgdu því miklir verkir og bólgur. Eftir að ég hafði prófað mig áfram með ýmis náttúruefni þá datt ég niður á þörunga hafkalkið. Ég fann smám saman að það dró úr verkjum og bólgum og líkaminn virðist vinna betur á allan hátt. Eftir að hafa tekið Hafkalk inn í nokkurn tíma finn ég stóran mun og það nægir mér. Ég mæli því hiklaust með inntöku Hafkalks og þakka kærlega fyrir."

Grétar Arnbergsson á Flateyri axlarbrotnaði þann 14. mars 2009. Bæklunarlæknir hans var ekki bjartsýnn á að almennileg virkni næðist í axlarliðinn. Grétar byrjaði að taka HAFKALK um mánaðarmótin júní/júlí og er sannfærður um að beinin hafi gróið fyrr og betur en annars hefði verið. Hafkalkið hafi flýtt fyrir bata og hreyfigetan sé mun betri en búist var við. að öðru leyti segist Grétar finna mikinn mun á sér, verkir í hnjánum séu horfnir. Hann hafi ekið frá Borgarfirði eystri og til Flateyrar síðla sumars, án mikillar hvíldar, og lítið fundið fyrir verk í mjaðmarlið. Liðverkirnir hefðu verið að plaga hann lengi og Grétar segist geta mælt með hafkalkinu, það virki.

"Ég er ekki búin að nota vörurnar frá Hafkalki lengi, en virkni þeirra er ótrúleg.

Ég fann mjög fljótlega mun á mér eftir þungar og erfiðar æfingar, ég var mun fljótari að ná mér og liðir og vöðvar ekki eins sárir. 

Þar sem að ég er í undirbúningi fyrir fitnessmót eru æfingar bæði margar og stífar og batteríið fljótt að tæmast.

Með notkun Hafkrafts og Hafkalk Gulls finn ég fyrir aukinni orku og sálartetrið er svo miklu léttara.

Ekki skemmir fyrir hvað þær bæla niður sykurpúkann"

Hildigunnur Guðmundsdóttir fékk æxli í skjaldkirtlinn og það þurfti að fjarlægja hann. Við aðgerðina urðu kalkkirtlar óvirkir og kalkbúskapur líkamans fór úr skorðum. Kalkskorturinn lýsti sér í miklum dofa, stirðleika og liðverkjum. Til að ráða bót á þessu var Hildigunni ráðlagt að taka kalk og tók hún allt að 22 töflur á dag, en blóðprufur sem hún fór í á hálfsmánaðar fresti sýndu alltaf sama ójafnvægið í kalkbúskapnum og heilsufarið batnaði ekki.
Hildigunnur frétti af Hafkalki og ákvað að prófa það. Fljólega sýndu rannsóknir að komið var jafnvægi á kalkbúskapinn þrátt fyrir mun minni skammta af kalki en áður. Hildigunni líður nú miklu betur og þarf aðeins að mæta til eftirlits tvisvar á ári.

"Ég byrjaði að stunda líkamsrækt með það markmið að keppa í fitness. Ég hef alltaf verið dugleg að hreyfa mig en oft fengið sinadrátt í einn vöðvann á kviðnum sem var frekar óþægilegt. Með auknum æfingum jókst þetta ásamt því að ég fór að fá verki í axlirnar og sérstaklega þá daga sem axlaæfingar voru. Ég var búin að fara í nudd og nota hitakrem en alltaf kom verkurinn aftur. Ég kvartaði undan þessu við þjálfarann minn hann Jóhann Norðfjörð  og benti hann mér á að prófa HAF-RÓ. Verkirnir hættu og einnig sinadrátturinn í kviðnum og hefur þetta bætiefni verið mér mjög nauðsynlegt í undirbúningi mínum fyrir bikarmótið í fitness og er ég ólýsanlega þakklát fyrir stuðning sem HAFKALK hefur veitt mér á þessum mikilvæga tíma."

Jensína Ebba Jónsdóttir var lengi þjáð af verkjum í hnjám vegna brjóskeyðingar. Hún hefur tekið Hafkalk í lengri tíma af því það virkar vel á hana.
Ebba, eins og hún er jafnan kölluð, er verkjalaus í dag. Mest voru verkirnir að hrjá hana á nóttunni, en í dag er, sagan önnur. Verkirnir eru horfnir og líðan hennar miklu betri. Ebba mælir því hiklaust með Hafkalki.